مر اكتر من عام على تجربة التدوين بالنسبة لي ... حاجات كتير عايز اقولها بس كالعادة مش مترتبة و متلخبطة فدماغي فبيضيع نصها و اكتر
اهم حاجة عايز اقولها اني عرفت ناس جميلة جدا و فضلت على اتصال مع ناس بحبهم بسبب البلوج .. اللي شجعني على اني اعمله محمد الطاهر اللي من احسن الناس اللي اعرفها
بالنسبة للتدوين بئا ... بيكون نفسي اكتب حاجات كتير ... بس الانشغال و الكسل و ذاكرتي بنت الحلال بيقللو من دا
الفترة دي مثلا فترة امتحانات وقرف ... و التدوين فيها يكاد ينعدم ...
هتذكر معاكم كدا حاجات من التدوينات السنة اللي فاتت
بداية التدوين مرتبطة معايا باحداث و اعصامات القضاه و اعتقال اخويا
فالاول مكانش حد بيعتب البلوج تقريبا .. دلوقتي في رجل شويه ...
و كان في نيتي اعدل الدستور في دستور فساكونيا و طلبت انه يتعدل من قبل ما الريس يفكرعشان محدش يقولي انجازاته و بتاع...الريس بيخش المدونة عندي ;)
و عن ترقيع الدستور ... و لما فضفضت لقيت ناس زي العسل جنبي ... و رايي و حاجات كتير تانية... خش في الارشيف و دعبس في القديم .زي ما قلت الفترة الحالية دي شبه مفيهاش تدوين ... ادخل اقرا القديم
من اكتر الحاجات اللي بتسعدني لما الاقي عدد الزوار بيزيد او حد يقولي انه عجبته حاجة كتبتها او الاقي رد من حد
فعلا كل واحد بيسيب كمنت او بيزور المدونة عموما ليه الشكر لأنه بيسعدني جدا
اتمنى ان التدوينات تكون بتلاقي القبول او بتفيد فأي حاجة
و ياريت لو اي حد عنده اي تقييم او تعليق يقول ميتكسفش
21 comments:
انا متابعه مدونتك من ساعة ما مره كنت بعمل سيرش على الشاعرة ايمان البكري و لقيت عندك
و انت اسلوبك لذيذ على فكرة و ساخر جدا
اتمنالك التوفيق و لأخوك
و مبروك على النيو لوك
علشان تعرف بس قيمتى
:)
حبيت أبارك وأقولك كل سنه وانت طيب علشان عيد ميلادك التدوينى
وزى الفل والله الشكل الجديد
كل سنة و مدونتك جميلة و جديدة و مهيسة بس بلاش بالروح بالدم نفديكي يا ...أي حد أو أي حاجة عشان دم الواحد أساسا محروق و بصراحة الفدائية دي بقت موضة قديمة..هههههههه
مدونة جميلة و عقبال ما شوفك كاتب عيد ميلاد مدونتي ال26 و تبقي زيها زيه.... في البقاء و الاستمرارية يعني مش حاجة تانية
كل سنة ومدونتك طيبة ياريس
وطول ما انت ماشى ورا توجيهاتى وتعليماتى كدة هتفلح
mimo
دايما منورانا كدا بزياراتك و شكرا على كلامك الجميل دا
محمد الطاهر
طاهر باشا احنا عارفين قيمتك من غير حاجة ... هي البلد تمشي من غيرك اصلا
و كل سنة و انت طيب يا ريس :D
mariam
و انت طيبة و عئبال ما نشوف عيد ميلاد مدونتك الـ 100 و تحتفلي بالمئوية .. مش اقل من النادي الاهلى هي
و شكلك مقريتيش بالروح بالدم نفديكي يا سعاد ... على عهدها كل شيء جايز
كل سنه ومدونتك بخير
عقبال اليويبل الذهبى:)
أنا بداية تعرفى على عالم المدونات كان من هنا , من المدونة اللى زى العسل دى
بجد من احسن البلوجات اللى شفتها و قريت فيها و صاحبها ( اللى هو انت يا مصطفى باشا )انسان اكتر من رائع :)
اسلوبك فعلا جميل اوى و يشد اى حد انه يتابع اللى كاتبه , و تفكيرك حلو اوى
كل سنة و انت طيب و مدونتك احسن و احسن ان شاء الله
و الشكر ليك انت على البلوج الجامد دا
و مبروك النيولوك
و ربنا يوفقك فى الامتحانات يا رب , ناجح ان شاء الله
كل سنه وانت طيب كدة وربنا يكرمك ويعتقلوك كدة وتبقى ذى الفل
وطبعا لو اعتقلوك يبقى كلامك وصل وعمل حاجة وانتم السابقون ونحن الاحقون
هروح ادور فى ارشيفك وتفرج
تحياتى
ايه دة بأه ميمو سارقة منى لانى كمان متبعاك من ساعت ما كنت باعمل سيرش على ايمان بكرى :D
وعامة انا بحب دماغك بحس انى قريبة من تفكيرى
يللا ربنا يوفقك ولونى مبلاقيلكش حاجة غير كل فين وفين بس بتبقى خفيفة ولذيذة وفيها المفيد اللى عايز تقوله
بما اني أهلاوية صميمة...فهقولك بكل فخر ان انشاء الله لما أحفاد أحفادي يحتفلوا بالمئوية مش هخليهوم يجيبوا البارسا... خلينا في
AS ROMA
بالاش 4 تاني الله يكرمك دانا في الاستاد كنت هتنقط, مع اني رايحة و عارفة اننا هنخسر...ده كفاية ترقيصة رونالدينيو ولا لعبة ميسي و شوطة ايتو... بس قولت ماحنا عندنا أسامة حسني و أبو تريكة و بركات و الواد فلافيو... و الي وصلنا كاس العالم يخلينا نتعادل بلاش نفوز دي....
ماعليناااااااا أنا خرجت بره الموضوع و باعتذر عن كده..الكلام جاب بعضه و أنا رغاية قوووي كما هو واضح......
انت
و انت طيب يا معلمي
و بعدين يا عم افلح انت الأول .. قال توجيهات قال ... روح شوف الناس بتوعك
امنية
و انت طيبة و بخير كدا و متشكرين عالواجب دا و الله ..
HODA
انا مش عارف اقولك ايه بس انت مفيش تاني ليكي اصلا
مهما امدح مش هيكفي .. فبلاش احسن و اهو عشان الحسد و البنى آدمين اللي واقفة دي و اللذي منه
ضد الظلم
انا لو اعتقلوني مش هزعل ... دا هيكون شرف ليا اصلا
شرف ليا اني اعتقل و اتساوى مع الشرفاء من المعتقلين, عشان الحق ,عشان بحب مصر
و كفاية كدا عشان شوية و هقوم أقول النشيد الوطني
sarah
ميمو لا سارقة ولا حاجة ..تلائيكو كنتو جايين مع بعض
و موضوع المواضيع اللي كل فين و فين دا حاليا عشان الامتحانات و دايما بيكون بسبب الوقت ..انا اليوم بيخلص مبعرفش عملت فيه ايه !!بس ان شاء الله كلو يتظبط
انا على فكرة مش عارف ادخل البلوج عندك
و عالعموم شكرا لاهتمامك
mariam
الظاهر ان اللي وصلنا لكاس العالم دعا الوالدين
و ساعة احفاد احفادك ربنا يباركلهم و تفرحيلهم كدا ... لو لسه كان في بلد اسمها مصر و فيها نادي اسمة الأهلى اعتقد انهم هيتراجعوا عن لعب الكورة فالاحتفال بالمئويتين - اتنين مئوية يعني-اهو الناس تفرح من غير ما حاجة تنكد عليهم
و حلو موضوع عندنا اسامة حسني و ابو تريكة و فلافيو و شادي محمد دا:D
مع احترامي ليهم يعني بس يجو ايه جنب مسي و رونالدينهو و ايتو و ديكو
و بعدين بتعتذري على ايه بس! ... ارغي ارغي هو كان البلوج بتاعنا
كل سنة والتدوين بألف خير
مع إني مكسوفة من نفسي موت وعارفة إني أستاهل الضرب عشان جاية متأخرة كل ده بس بردو ما أقدرش ما أقولكش كل سنة وانت والبلوج الحلو ده بألف خير
كل سنة وانت طيب وموفق ومحبوب وخليك زي ما انت
انا شايفة ان فيه ناس كتيرة بتحبك وتشجعك وتهنيك وانا محدش معبرني :p
على فكرة أنا مش بقر..أنا بحسد بس
لا بجد تستاهل كل خير وانت عارف ان الكلام ده (بتاع القر يعني)طالع من ورا قلبي .. يلا كل سنة وانت طيب وعقبالك قرن تدوين
كووووونان
Hi Mustafa
Happy to see you in my blog, I'm sure you come from David Santos's Blog...he's a good friend so you are also welcome as a good friend. It was very nice that even you don't understand spanish you toke time and post. thanks a lot. I know some arabic so i'll visit you frecuently, I see that you are not happy with the situation in your country which is normal, and I hope every thing become better soon.
Good luke for your exams and have a nice week.
Best regards.
اجمل تحيه لشباب مصر الجدعان
و كل سنة و انت طيب
احمد العربي
شكرا لمشاركتك و دايما بخير ان شاء الله
iman
ولا يهمك... تيجي فالاول تيجي فالآخر دايما بتنورينا
ايمان من اميز الشخصيات اللي عرفتها
اتمنالك كل خير في حياتك
و بعدين انا مبخر المدونة كويس .. لا أر ولا حسد هينفع ... مش معانا الكلام دا
supermama
hi lina -i think
yes i come from David Santos .. the arabic words catch my eye
great that u know arabic.. i don't know any thing about spanish .. but i like Spain and Del Mar music :D
I hope too every thing become better in Egypt
and thank you for your interest :)
Anonymous
صبح صبح يا معلمي و كل سنة و انت طيب
مين دا !
الف مبروك يا تيفة ...منتظرين الانجازات الجاية
وعد يا درش حدعبس فى المواضيع القديمة و حقرفك تعليقات
سامحنى عشان أنا الشهرين تلاتة اللى فاتوا مكنتش بدخل مدونات خالص و كنت بكتفى باللى بكتبه و خلاص ... بس ادينى بقيت فاضى و حتلاقينى بنط لك كل شوية :)
كل سنة تدوين وانت بخير .. مدونتك جميلة اوي .. ربنا يوفقك
فينك يا مصطفى وحشتنا يا أخي ما تيجي بقى، ولا مش ناوي تكمل
Post a Comment