دخل صاحبنا القهوه و قعد يدندن و يتغنى ...
" يا حضرة العمدة ابنك عليوه حدفني بالسفنديه ...
إهييي << العمده
وقعت على صدري ضحكوا عليا صحابه اللافنديه ....
إهيييي << العمده بردو
يرضيك يا عمده
لا لا لا لا لع << العمده
عشان ابن عمده
لا لا لا لا لع << نفس العمده
يعمل كده كده كدا فيا
" *السفنديه للي مش عارف هي اليوستفنديايه .. مفرد يوسفى ..ابن عم البرتئان -البرتقال يعني- المهم ..
ميل صاحبنا على اللي جنبه و قال : اصل انت مش فاهم ... الواد عليوه كان معدي هو و اصحابه الافندية و شكلة كان ماسك يوستفنديايه فـ ايده و حدفها على البت - زليخة غالبا- فجت في صدرها .. و زمايله ضحكوا فؤحرجت و كدا.
قامت رايحة الدوار تشتكيه لابا العمده .. و قعدت تحكيله و تشهده و هو مخلصوش و قعد يرد بـ إهيييي إمتعاضا لما وقع على اذنه من كلمات ... و لا لا لا لا لع كإستنكار لما وقع على صدرها من يوستفندي ..زي ما سمعت كدا
اتعدل صاحبنا زي ما كان ...
و قعد يدندن تاني : يا حضرة الريس ابنك جمال خد مني الصفقة ديه
يا حالوليي << الريس ;)
مال على اللي جنب تاني ليخبره انها مش لايقه ... فلم يجده ! ..
انت جريت ...
يلا و قعد يكلم في نفسه ... ماهو لما كان ابن العمده ضحكت ولما بئا ابن الريس جريت ...
طيب ما ابن العمده هيطلع ايه يعني ... ماهو عمده بردو بس صغير ..
و ابن الريس ريس صغير و حفيد ابن الريس ابن الريس الصغير ... يعني ريس بردو.
و اهو كام سنه و الواد عليوه يبقى عمده ...و يجيب البت زليخة و يقعد يزئلها -يحدفها- باليوستفندي براحته .. عمده بئا
و كام سنه كمان و جمال يبقى الريس و يعمل فينا اللي هو عايزه.
يميل على شخص آخر ... انت تعرف طول ماحنا مخرسين كدا ممكن نفضل كدا لأبد الأبدين ...
و يمسكنا جمال و بعديه ابنه جميل و بعديه عبد الحميد
اهو عبد الحميد دا بئا ان شاء الله خلفته كلها هتبئا بنات ... بس بردو ... هنفضل خرفان زي ماحنا و انت فكرك هنتعدل ابدا
و تمسكنا بئا بنته الكبيره سعاد ... تبقى السيده الريسة سعاد مبارك رئيسة جمهورية مصر العربية. الله يرحمك يا رجولة
و يا فرحتهم و هناهم بتوع المرأه و حقوقها و المساواه ... و حركات نينا سوزان -مع مرور الزمن و كدا- يالهوي داحنا هنتظبط ساعتها .. هيطلع علينا كل الجديد و القديم.
تطلع بئا المظاهرات النسائية هاتك يا زغاريط و رقص بئا..و بالروح بالدم نفديكي يا سعاد
و تحول مصر لدولة عنصرية تمارس التميز ضد الرجال .... الستات تسيطر على كل حاجة في البلد ... و تلاقي الاضطهاد فـ الشغل و المصالح و كل حته
يبقى الراجل مننا ميعرفش ينزل من بيته بعد الساعة 9 ... تلاقي الراجل من دول بئا ماشي فالشارع مقلق على نفسه و الستات ماشيين ذئاب بشرية .. عمالين يبصولو بصات غير بريئة
و التحرشات تشتغل بئا ... و كل عيد يظبطوا الرجاله في وسط البلد و هيصة
انا عن نفسي هقعد فالبيت ... مش طالبه وجع دماغ اللي عايزة تتحرش انا فالبيت مش طالبة لخمه فالشوارع
الواحد منا يا عيني يسمع صوت بدال عجله يستخبى فاي شارع جانبي لحسن تكون سيقاها ست ولا حاجة
و يجي حبه بولجر يعملوا حركة الشارع لنا مطالبين بحقوق الرجل و المساواه مع المرأه
ولا البوليس... موجود ولا مش موجود ولا هاممهم .. ماهم في حماية سعاد مبارك و سهى العادلي -وزيرة الداخلية-
و الظابطاية من دول يعذبوا الناس بئا فاقسام الشرطة ... كلاكيع بئا بعيد عنك و هتطلع
و احنا غلابة منكسرين مش لاقين اللي ياخدلنا حقنا !
و الراجل يكون حشم و لابس واسع و كل حاجة و برده ميعتقهوش يا جدع...
قله حيا
احم
دا لسه بئا المطربين الستات ... يطلعوا وراهم موديلز رجاله .
دا اذا كان دلوقتي و اضعاف اضعافنا و مشاركنا فكل حاجة و واخدين حقهم تالت و متلت ... امال فعصر سعاد مبارك هيبقو اد ايه
و احنا غلابة منكسرين مش لاقين اللي ياخدلنا حقنا !
و الراجل يكون حشم و لابس واسع و كل حاجة و برده ميعتقهوش يا جدع...
قله حيا
احم
دا لسه بئا المطربين الستات ... يطلعوا وراهم موديلز رجاله .
دا اذا كان دلوقتي و اضعاف اضعافنا و مشاركنا فكل حاجة و واخدين حقهم تالت و متلت ... امال فعصر سعاد مبارك هيبقو اد ايه
كل ده بسبب السفنديه
لا يا عم انا مش هاكل استفاندي تاني ..
لا يا عم انا مش هاكل استفاندي تاني ..
دا حتى بيعمل اسهال... سمعليكوو
8 comments:
ياااااه , الستات هيعملوا كل دة
و كل دة بفضل عناية الست سعاد , يا حلاوة , دة احنا هنقضيها
بس تعرف لو العيلة كملت معانا فعلا يبئا احنا اللى نستاهل , ما احنا اللى جايبينه لنفسنا
سكتنا للظلم لحد ما دخل بحماره و خد راحته اوى
ياحلولى ..هيتحرشو بيا
نفسى اغمض وافتح ألاقى اليوم دة جة
احم
بص بجد لو جمال مسك بعد ابوة يبئا كدة خلاص مش سعاد بس الى هتمسك لا دة ممكن روبى كمان
هيا فرصة الشعب الوحيدة انة يقول لا لجيمى بس ابئا تعالا .... فى وشى لو حد نطق
حبيت بس اقولك يا ريت تتأكد من التراث قبل ما تحرفة
الواد ابن العمدة اسمة حميدة مش عليوة
والله اعلم
معليش بقى تناكة
هع هع
البوسط رائع يا ابنى
يخرب بيتك
قشطة يسطى ماهر
اخوك
محمد صلاح الزو
hoda
ما هما ديما يقولوا السكوت علامه الرضا
لا السكوت علامة الخرس و الضعف
بس هتبئا دولة رقيقة اوي ;)
مش انت
روبي اللي هتمسكنا ... يا حلاوه
و شريف صبري هيبئا النائب و لا هيكون ايه نظامة ساعتها !
ربنا يسهل والشعب ينطق ... و يقدرني و آجي اغرق وشك بلاغم باذن الله, بس انت ادعي
pro_samir
يا ريس دا مش تحريف للتراث ولا حاجة... دي خودعه!
و اهو عشان المسآئله القانونية;)
انا فاكر انها كانت عليوه
و بعدين عيلوه.. حميده .. صميده ...كله بيقضي الغرض
هع هع
و شكرا عالتصحيح فاي حال
محمد الطاهر
شكرا يا معلم على الإطراء دا
و دايما كدا منور البلوج
الزو
يا بوب مادام انت بتشرفنا متحرمناش من مشركتك معانا دايما
و ابئا شوفنا بكام سبق اكسكلوسيف
و ميرسي عـ القشطة يا ريس
لو هيجيب سعاد أنا موافقة أمسكه الرئاسة :]
لول يا سلام عليك و انت بتقول المساوء الى بتتعمل فى البنات الأيام دى ... تخيل فعلآ لو سعاد مسكت و الوضع إتعكس فعلآ .... لا حرام احنا نشيل النظام ده خالص و نحقق العدالة للطرفين
حقا ك.... اللي مايقولش ك.....مصر
أكتب هذا الأن مع كل الثقه بأن هذه السطور لن تجدي مع هذا الشعب الغريب الحس واريد ايضا ان اكمل مقالتي باللغه العاديه الحلوه بتاعة بلدهم وكنت عايز اقول اللغه الحلوه بتاعة بلدنا بس لاقيت ان هايكون في الجمله كلمه ناقصه او بمعني افضل هايكون وجودها بين الكلمات
مش زي ما احنا عايزين. الكلمه دي هي كلمة ( بلدنا ) فابدل ما اسمع ضميري بيقولي . سورري هي فين بلدنا دي يا حضرت . مش عارف لحد امته هانفضل عاملين ودن من طين وودن من عجين. و مستني ايه يا شعب ما في فيه ولا راجل لا راجل يحمي ولا راجل يقف في الشده ولا راجل يقول لأ لسعادة البيه. وعنده حق يقول لأ لو راجل !
هي دي البلد اللي ممكن نطلق عليها اسم جمهورية شلة الحرميه تحيا جمهورية شلة الحرميه هو دا الشعار اللي لازم نهتف بيه علشان نعيش
كويسين في بلدنا. تحيا جمهورية شلة الحرميه هو دا مستقبلك يا بلدي و يا اما ترفع الشعار يا اما ما يطلع عليك النهار و عجبي عليك يا شعب عايش مطرح ما ترسا تدق لها وخلصنا من الملك جالنا الرئيس و يا فرحتي كل اللي عمله مصطفي كامل و احمد عرابي و سعد زغلول و غيرهم وغيرهم انهم غيروا كلمة ملك عملوها رئيس مع ثبات المميزات للكلمه الاولي .هههه
يعني ما فيش حد بيحس الناس دي قدمت لمصر ايه؟ ما فيش حد قادر يكمل المثيره للحريه؟ خلاص.. شوية رعاع يجعلوا شعب بأكمله أخرس شعب بحالو مش قادر يقول لأ للفقر ولا لأ للمرض ولا لأ للجهل و لا لأ للبطاله ولا لأ للمخدرات والمشكله ان هناك ديموقراطيه قصدي ديمولوخيه وأخر كلمه يا نا س ياللي حقكم بيتسرق اصحا وهات حقك يا مصري دا انت اللي مصري مش هما .
ROMEL380
Post a Comment