بكرة ان شاء الله جلسة النطق بالحكم في قضية احداث محكمة عابدين المتهم فيها#أحمد_ماهر و #أحمد_دومة و #محمد_عادل
القضية فكسانه وكان المفروض الحكم فيها بالبراءة من الجلسة الأولى، بس المحكمة بتحب تتآنى، مش لا سمح الله لحفظ ماء وجه النيابة و المباحث بعد العك اللي قدموه او علشان تكسب وقت وترجع لأصحاب الشأن ويشوفوا يحبوا الحكم يكون ايه .. اطلاقا ..
حاكم كلنا عارفين ان قضائنا مبيتأثرش بضغوط او بيملى عليه القرارات بالتليفون .. اطلاقا .. وعارفين من زمان طبعا انه شامخ.
القضية دي زي غيرها مثال حي لتلفيق التهم وتستيف الاوراق والقضايا السياسية ويرجع لذاكرتنا أيام مبارك وأمن الدولة الخوالي
نفس رصة التهم
تعطيل حركة المرور و التعدي علي قوات الامن و استخدام سلاح ضد الشرطة و التجمهر و اتلاف املاك مملوكة لمقهي مجاور للمحكمة.. ولكن زاد عليهم المرة دي التظاهر بدون تصريح
وتهمة التظاهر بدون تصريح هتخلينا نسأل.. هل هي كانت تظاهرة؟ هل اصلا الداخلية اتعاملوا معاهم معاملة المتظاهرين؟؟ قانون التظاهر الباطل اللي مش موافقين عليه والمطعون على دستوريته واللي هم بيحتكموا له بينص على ان لما الامن يلاقي مظاهرة بيلتزم بمراحل متدرجة في التعامل معاها بداية من النداءات المتكررة المسموعة اللي بتطالب بفض التجمع وتأمين طريق للانصراف.. مرورا بخراطين المياة ثم الغاز المسيل للدموع ثم الهراوات .. ولو مافيش حل من دول نفع والتجمع مستمر في التخريب والتدمير واعمال الشغب بتطلق طلقات صوت وقنابل دخان مرتجعوش بتلجأ لاستخدام خرطوش مطاطي -اللي بيلسع- واخر حل الخرطوش غير المطاطي وبيطلق على النصف السفلي من الجسم بغرض اعاقة الحركة.
واللي حضر شاف بعينه واقوال الشهود نفسهم والفيديوهات تثبت ان البداية كانت وش قنابل غاز وخرطوش والاعتداء بالضرب.. –زي ماحصل يوم مجلس الشورى-
يعني الداخلية نفسها هي اللي ملتزمتش بالقانون مش المتواجدين .. يعني لو هتحاكم حد.. حاكم الداخلية اللي ارهبت المتواجدين وعرضت حياتهم للخطر واستخدام القوة بدون مبرر!
نيجي لتهمة الأعتداء على قوات الأمن و استخدام سلاح ضد قوات الشرطة
أولا فين الأسلحة اللي اتحرزت؟؟ وهل ظهر في الفيديوهات حد منهم ماسك سلاح اصلا؟!
فين اصابات رجال الشرطة ؟؟ 6 مجندين متصابين بكدمات وخدوش.. وفي اقوالهم قالوا انهم ميعرفوش حد من الـ3 علشان يتهموه اصلا
نيجي لاتهام اتلاف ممتلكات خاصة والمقصود بيها محتويات القهوة اللي امام محكمة عابدين واللي الفيديوهات بتظهر ان مجندين الشرطة هم اللي كانوا بيحدفوا كراسي القهوة على المتواجدين! .. المهم، شهادة صاحب القهوة اللي اتكسرت كانت ايه ؟
لما اتسأل على دومة قال ان دومة كان قاعد عنده قبل الاحداث بساعة ساعتين وحاسب ومشي و مشافهوش تاني!
طيب أحمد ماهر ؟ قال ان الاشتباكات حصلت بعد دخوله المحكمة اصلا وانه لم يشارك فيها
طيب محمد عادل؟ قال ولا يعرفه او شافه اصلا
دي اقول صاحب القهوة اللي اتكسرت و النيابة متهمة ماهر ودومة وعادل بتكسيرها!
طبعا اتهام تعطيل حركة المرور دا راشق في اي قضية و كدا كدا الداخلية كانت قافلة الشارع يعني مافيش مرور علشان يتعطل!
طبعا تحقيقات النيابة وتحريات المباحث كلها هري وكلام مرسل .. ومعلومات مغلوطة وشهادات زور
زي ان دومة قيادي بحركة شباب 6 ابريل!!
ان دومة قال انه نزل للتظاهر بناء على دعوة حركة شباب 6 ابريل ودمة نفسه نفى انه قال كدا!
ان احمد ماهر اصلا متوجه للتظاهر امام محكمة عابدين وهو رايح يسلم نفسه للنيابة!
وان 6 ابريل نشرت بيان على صفحتها على الانترنت بتدعوا للتظاهر امام محكمة عابدين!! وهو ما لم يحدث وكدب ومش متقدم معاه حتى برينت سكرين
وواحد شاهد انه شاف ماهر وعادل ودومة وهم بيحدفوا طوب على المحكمة! واخر قال انه كان متواجد الساعه 8 صباحا مع العلم ان الاشتباكات حصلت بعد الساعة 11 وآخر قال انه سمع انهم طالبين ناس للشهادة! فذهب للشهاده لانه تعرف عليهم من خلال تصفحة للانترنت وشاهد فيديو على اليوتيوب فيه الاحداث ..ويطلع مبيعرفش يقرأ ويكتب و باصم على اقواله!
ايه اللي وداهم هناك اصلا.. سريعا كدا
أحمد كان جاله امر ضبط واحضار على خلفيه مظاهرة لا للمحاكمات العسكرية امام مجلس الشورى بتهمة التحريض والتظاهر بدون تصريح .. وراح وسلم نفسه لنيابة عابدين واتحجز يوم لحين ورود تحريات الامن الوطني وتاني يوم اخد اخلاء سبيل .. بس الداخلية صعب عليها ان احمد ماهر يكون في ايدها و ترجع تدور عليه .. اخروه شويه و خلال الشوية كانوا اصدروا امر ضبط واحضار جديد.. له ولدومة وعادل بنفس الاتهامات ولكن في واقعة مختلفه امام محكمة عابدين واحيل لجنح عابدين واتأجل النطق للحكم لجلسة بكرة الأحد 22-12-2013
وطبعا لو الحكم صدر أي حاجة غير البراءة.. تأكد ان القضاء المصري لسه شامخ ..ومش بتملى عليه الاحكام بالتليفون ومبينتظرش الأوامر من الجهات العليا .. واننا في ازهى عصور الحرية والديمقراطية والشفافية والذي منه
القضية فكسانه وكان المفروض الحكم فيها بالبراءة من الجلسة الأولى، بس المحكمة بتحب تتآنى، مش لا سمح الله لحفظ ماء وجه النيابة و المباحث بعد العك اللي قدموه او علشان تكسب وقت وترجع لأصحاب الشأن ويشوفوا يحبوا الحكم يكون ايه .. اطلاقا ..
حاكم كلنا عارفين ان قضائنا مبيتأثرش بضغوط او بيملى عليه القرارات بالتليفون .. اطلاقا .. وعارفين من زمان طبعا انه شامخ.
القضية دي زي غيرها مثال حي لتلفيق التهم وتستيف الاوراق والقضايا السياسية ويرجع لذاكرتنا أيام مبارك وأمن الدولة الخوالي
نفس رصة التهم
تعطيل حركة المرور و التعدي علي قوات الامن و استخدام سلاح ضد الشرطة و التجمهر و اتلاف املاك مملوكة لمقهي مجاور للمحكمة.. ولكن زاد عليهم المرة دي التظاهر بدون تصريح
وتهمة التظاهر بدون تصريح هتخلينا نسأل.. هل هي كانت تظاهرة؟ هل اصلا الداخلية اتعاملوا معاهم معاملة المتظاهرين؟؟ قانون التظاهر الباطل اللي مش موافقين عليه والمطعون على دستوريته واللي هم بيحتكموا له بينص على ان لما الامن يلاقي مظاهرة بيلتزم بمراحل متدرجة في التعامل معاها بداية من النداءات المتكررة المسموعة اللي بتطالب بفض التجمع وتأمين طريق للانصراف.. مرورا بخراطين المياة ثم الغاز المسيل للدموع ثم الهراوات .. ولو مافيش حل من دول نفع والتجمع مستمر في التخريب والتدمير واعمال الشغب بتطلق طلقات صوت وقنابل دخان مرتجعوش بتلجأ لاستخدام خرطوش مطاطي -اللي بيلسع- واخر حل الخرطوش غير المطاطي وبيطلق على النصف السفلي من الجسم بغرض اعاقة الحركة.
واللي حضر شاف بعينه واقوال الشهود نفسهم والفيديوهات تثبت ان البداية كانت وش قنابل غاز وخرطوش والاعتداء بالضرب.. –زي ماحصل يوم مجلس الشورى-
يعني الداخلية نفسها هي اللي ملتزمتش بالقانون مش المتواجدين .. يعني لو هتحاكم حد.. حاكم الداخلية اللي ارهبت المتواجدين وعرضت حياتهم للخطر واستخدام القوة بدون مبرر!
نيجي لتهمة الأعتداء على قوات الأمن و استخدام سلاح ضد قوات الشرطة
أولا فين الأسلحة اللي اتحرزت؟؟ وهل ظهر في الفيديوهات حد منهم ماسك سلاح اصلا؟!
فين اصابات رجال الشرطة ؟؟ 6 مجندين متصابين بكدمات وخدوش.. وفي اقوالهم قالوا انهم ميعرفوش حد من الـ3 علشان يتهموه اصلا
نيجي لاتهام اتلاف ممتلكات خاصة والمقصود بيها محتويات القهوة اللي امام محكمة عابدين واللي الفيديوهات بتظهر ان مجندين الشرطة هم اللي كانوا بيحدفوا كراسي القهوة على المتواجدين! .. المهم، شهادة صاحب القهوة اللي اتكسرت كانت ايه ؟
لما اتسأل على دومة قال ان دومة كان قاعد عنده قبل الاحداث بساعة ساعتين وحاسب ومشي و مشافهوش تاني!
طيب أحمد ماهر ؟ قال ان الاشتباكات حصلت بعد دخوله المحكمة اصلا وانه لم يشارك فيها
طيب محمد عادل؟ قال ولا يعرفه او شافه اصلا
دي اقول صاحب القهوة اللي اتكسرت و النيابة متهمة ماهر ودومة وعادل بتكسيرها!
طبعا اتهام تعطيل حركة المرور دا راشق في اي قضية و كدا كدا الداخلية كانت قافلة الشارع يعني مافيش مرور علشان يتعطل!
طبعا تحقيقات النيابة وتحريات المباحث كلها هري وكلام مرسل .. ومعلومات مغلوطة وشهادات زور
زي ان دومة قيادي بحركة شباب 6 ابريل!!
ان دومة قال انه نزل للتظاهر بناء على دعوة حركة شباب 6 ابريل ودمة نفسه نفى انه قال كدا!
ان احمد ماهر اصلا متوجه للتظاهر امام محكمة عابدين وهو رايح يسلم نفسه للنيابة!
وان 6 ابريل نشرت بيان على صفحتها على الانترنت بتدعوا للتظاهر امام محكمة عابدين!! وهو ما لم يحدث وكدب ومش متقدم معاه حتى برينت سكرين
وواحد شاهد انه شاف ماهر وعادل ودومة وهم بيحدفوا طوب على المحكمة! واخر قال انه كان متواجد الساعه 8 صباحا مع العلم ان الاشتباكات حصلت بعد الساعة 11 وآخر قال انه سمع انهم طالبين ناس للشهادة! فذهب للشهاده لانه تعرف عليهم من خلال تصفحة للانترنت وشاهد فيديو على اليوتيوب فيه الاحداث ..ويطلع مبيعرفش يقرأ ويكتب و باصم على اقواله!
ايه اللي وداهم هناك اصلا.. سريعا كدا
أحمد كان جاله امر ضبط واحضار على خلفيه مظاهرة لا للمحاكمات العسكرية امام مجلس الشورى بتهمة التحريض والتظاهر بدون تصريح .. وراح وسلم نفسه لنيابة عابدين واتحجز يوم لحين ورود تحريات الامن الوطني وتاني يوم اخد اخلاء سبيل .. بس الداخلية صعب عليها ان احمد ماهر يكون في ايدها و ترجع تدور عليه .. اخروه شويه و خلال الشوية كانوا اصدروا امر ضبط واحضار جديد.. له ولدومة وعادل بنفس الاتهامات ولكن في واقعة مختلفه امام محكمة عابدين واحيل لجنح عابدين واتأجل النطق للحكم لجلسة بكرة الأحد 22-12-2013
وطبعا لو الحكم صدر أي حاجة غير البراءة.. تأكد ان القضاء المصري لسه شامخ ..ومش بتملى عليه الاحكام بالتليفون ومبينتظرش الأوامر من الجهات العليا .. واننا في ازهى عصور الحرية والديمقراطية والشفافية والذي منه
No comments:
Post a Comment