لقد قال الشعب كلمته
كل مسئول يطلع يقولك الجملة دي حتى الريس..
هو دا الشعب اللي قال كلمته
يصوت نيابة عن بلد بأكملها
هي دي الشفافية
حشد طالبات و امرهم بالتصويت بنعم
كل مسئول يطلع يقولك الجملة دي حتى الريس..
هو دا الشعب اللي قال كلمته
يصوت نيابة عن بلد بأكملها
هي دي الشفافية
حشد طالبات و امرهم بالتصويت بنعم
الاخ عنده ضمير ..صوت و بيمضي بدالهم كمان
منتهى النزاهة و الشفافية
اتفو على دا نظام
من مدونة العريش مدونة العريش
لجنة كاملة يتم فيها التزوير لساعات
تحريض بين
الفيديو من اخوان الدقهلية .. و الصور من جريدة الشعب و الجزيرة توك
6 comments:
ازيك يا مصطفي اخبارك اية؟
يا رب تكون بخير
طبعا مفيش شك ان العملية بتاعه الاستفتاء دي كعادة الاستفتاءات السابقة الاصبحت كوميدية اكثر
من افلام اللمبي وهنيدي
انا بقيت اشوف مقاطع الفيديو
وبين عايزة اضحك وبرضة اعيط
خليهم يمرروا العايزينة وبكرة مسلسل التوريث الباطل حيحط النهاية باستفتاءات زي كدا برضة
والشعب امتى حيصحي ؟ مش عارفة
بس الواضح انة مش نايم دا ميت
شكرا مصطفي على مجهودك فى عرض الوثائق التؤكد فساد وبطلان هذا الدستور
كلنا عارفين انه هايحصل تزوير بس ده كان عينى عينك يعنى حرامية وفاجرين كمان يا ريت الكليبات دى تتبعت للصحافة العالمية اللى ابتدت تتكلم علشان النظام موش هايخاف متتا لكن بيعمل الف حساب للناس اللى بره وزى مانتوا شايفين الامريكان ابتدوا يتكلموا اول ما الصحافة بتاعتهم اتكلمت وفضحتهم ونددت بموقفهم
عارف يا مصطفى ايه هو اسؤا ما فى الموضوع
اننا بعد ما طلع عين ابونا وانتخبنا الاخوان زمان لمجلس الشعب ورجلينا ورمت من اللف والتظاهر مع كل حركات المعارضه...برضه مفيش فايده
بقى صعب عليا دلوقتى اتخيل ان ممكن فى يوم يكون فيه شخص او جماعه ما او حزب ما يقدر يزحزح الحكومه دى كلها او حتى يقدر يهز منها شعره
نفسى اعرف ايه ممكن يحصل تانى اكتر من كدا عشان الناس دى تنفجر فى وش الحكومه
انا فعلا ندمت انى شاركت فى الاستفتاء لانه غباء منى انى اتوقع نتيجه واضح ان اللى حيحصل هو عكسها
واسفه على الشعب اللى اعتاد اهانه نفسه بنفسه وبيعتبر الاهانه دى ما هى الا تفانى فى مصلحه الوطن وهى فى الحقيقه تفانى فى ارضاء ذاته وتفانى فى مصالحه الشخصيه على حساب الغلابه كلهم
معلش طولت عليك....بس انا متأكده انك حاسس اد ايه انا يائسه وكارهه الجو اللى احنا عايشيين فيه او بمعنى اخر مجبريين نتعايش فيه
فضيحة بجلاجل
انا نشرت الفيديوهات عندي من يوم الخميس
وياريت نوصلها لكل وسائل الاعلام
عشان دي كفيلة باسقاط الاستفتاء بالكااملة
بشرط اللجوء للقضاء
الفيديوهات دي ممكن تعمل اللي معملتوش المقاطعة ولا المظاهرات ولا كل الحاجات دي
مفيش فايدة فى الناس دى غلا لما الشعب يقوم كله قومة واحده هما بيقدروا على المعارضة لكن مش هيقدروا على الشعب هما بيحبسوا المدون لكن مش هيحبسوا كل الشعب لو قام يشيل الديكتاتور وحاشيته اللى حصل فى الاستفتاء اكبر دليل على سياسة أخبطوا دماغكم فى الحيط وهنعمل اللى إحنا عاوزينه
الشعب دخل في غيبوبة و الله اعلم هيفوق امتى ... الناس اتعقمت محدش ليه نفس يعرف ولا يشارك في اللي بيحصل.
و انا شايف ان دا دور المعارضة انهم يفوقو الناس دي هي متعبه جدا بس مفيش سبيل غير كدا
و شكرا ليكي يا زعيمة
ايمان .. انا بردو فكرت اني مكنتش اشارك و خلاص ... بس اهو اللي حصل .. شكل الشعب راضي بجمال من دلوقتي ..
اللي يفرس من اللي مش عارف اي حاجة فاي حاجة و رايح يوافق :@
كل واحد منا لازم يوعي اللي حواليه و يكونو مقتنعين ان يوعوا اللي حواليهم لغاية ما الكل يفوق .. و احنا لازم بردو نشجع بعض عشان منحبطش و محدش يحس انه لوحده
اسعدني ردك بجد..تحيتي لك
واحد من الناس باشا ... اشك انه يحصل حاجة ... و لو حتى كان اتصور الزوير و اتذاع لايف ... دا بس عشان الناس تتفرج و تعرف ان اي حاجة ممكن تحصل و سلامي للديموقراطية
كراكيب .. فعلا مفيش حل غير لما الشعب كله يتكلم .. هي مظاهره مليونية واحده هتهز الدنيا كلها ... بلاش مليونة مئة الف .. امتى اليوم دا بئا
Post a Comment