بعد يوم زبالة و نكد و انباء تحرق الدم عن الاعتقالات و السحل و الضرب رغم عدم مشاركتي في هذا اليوم و لكن الاخبار السيئة و منظر الامن وحده كافي لحرق الدم.
صحيت اليوم عالاستفتاء الصبح تابعت من خلال التلفزيون .. عمال اتنطط ما بين الجزيرة و العربية و الحره ..و لما اعوز احرق في دمي ولا احفز نفسي اجيب قناة النيل
على الساعة 4 و نصف كدا توجهت للجنة للادلاء بصوتي ... الوقت في منتصف اليوم .. اللي فالشغل جهه و اللي صحي صحي
يعني المفروض الاقي بشر هناك
اللجنه كانت في مدرسة الخبيري الاعدادية.. امامها يفط تأييد التعديلات الدستورية و بوسترات الحزب الوطني المحرضة على التصويت بنعم
اللجنة تقريبا مافيهاش غيري و كام واحد معرفش بيعملوا ايه اصلا .. بس مش بيصوتو
دخلت .تلاتة قاعدين على دكة كدا موظفين عاديين ومفيش في اللجنه قاضي و لا بتاع .. مكسل يدور على اسمي ... بعد ما اتشاوروا استقروا انهم يقيدوني ..حوارات كدا .. اداني البطاقة .. مفيش لا بروفة لا ستارة ولا اي حاجة
يلا و ايه اللي هيحصل روحت معلم و خلاص و هما باظين عنيهم في الورقة
طبقتها و حطيتها فالصندوق - البطايق اللي فيه لا تتعدي ال20 بطاقة -و مضيت و سلامو عليكو و مشيت
ولا حبر فسفوري ولا يحزنون ولا حد عزم بيه عزومة حتى
حاولت اقف اتابع الموقف اشوف ايه الاخبار بس ملقتش حاجة تتابع غير عساكر الامن اللي بيودو و يجيبو في ميه و شاي
صحيت اليوم عالاستفتاء الصبح تابعت من خلال التلفزيون .. عمال اتنطط ما بين الجزيرة و العربية و الحره ..و لما اعوز احرق في دمي ولا احفز نفسي اجيب قناة النيل
على الساعة 4 و نصف كدا توجهت للجنة للادلاء بصوتي ... الوقت في منتصف اليوم .. اللي فالشغل جهه و اللي صحي صحي
يعني المفروض الاقي بشر هناك
اللجنه كانت في مدرسة الخبيري الاعدادية.. امامها يفط تأييد التعديلات الدستورية و بوسترات الحزب الوطني المحرضة على التصويت بنعم
اللجنة تقريبا مافيهاش غيري و كام واحد معرفش بيعملوا ايه اصلا .. بس مش بيصوتو
دخلت .تلاتة قاعدين على دكة كدا موظفين عاديين ومفيش في اللجنه قاضي و لا بتاع .. مكسل يدور على اسمي ... بعد ما اتشاوروا استقروا انهم يقيدوني ..حوارات كدا .. اداني البطاقة .. مفيش لا بروفة لا ستارة ولا اي حاجة
يلا و ايه اللي هيحصل روحت معلم و خلاص و هما باظين عنيهم في الورقة
طبقتها و حطيتها فالصندوق - البطايق اللي فيه لا تتعدي ال20 بطاقة -و مضيت و سلامو عليكو و مشيت
ولا حبر فسفوري ولا يحزنون ولا حد عزم بيه عزومة حتى
حاولت اقف اتابع الموقف اشوف ايه الاخبار بس ملقتش حاجة تتابع غير عساكر الامن اللي بيودو و يجيبو في ميه و شاي
انا لآخر لحظة كنت متردد ما بين المقاطعة و المشاركة بس يلا هي جت كدا وانا كنت ميال للمشاركة
لما نزلت وسط البلد و شفت كميات الامن تاني و البلطجية كل كام متر مرصوصين .اتخنقت جدا .. هو كدا خلاص مفيش حاجة اسمها تظاهر في مصر
هنفضل طول عمرنا كبيرنا سلم نقابة الصحفيين! و متكردننين كمان
طيب هو ايه البلد دي و ايه الناس دي
طيب مش دا دستور بلدنا بردو و حاجة مهمة و المفروض الناس تعمل حاجة يعني!
الواحد من كتر ما بيلاقي استغراب من اللي بيحصل ابتديت اشك ان الاعتراض غلط و المفروض ندخل معاعهم القطيع .. القطيع هو الصح
بس ازاي ... مفيش كرامة .. طيب ما اكرملي اسيب البلد دي .. و اهو الواحد لما يكون في بلد غريب لا هيهتم بحاجة ولا يحرق دمه عشان حاجة ما ياكش تولع البلد .! الله طيب ما تلت اربع الشعب كدا اصلا في بلدهم
اغراب في بلدهم
هو ايه اللي فاضل يتخاف عليه ! .. عشان نقعد في بيوتنا كافيين خيرنا شرنا
ماهو حاجة من تلاتة ... يا تسيبلهم البلد و تمشي و ياكش تولع .. يا تقعد فيها و رجليهم فوق رقبتك انسان منزع الكرامة و تفضل مصر زي ما هي ... يا يكون عندك دم و تدافع عن كرامتك و حريتك و ترتقي بمصر و اللي فيها
3 comments:
نفس السيناريو اللى حصل معايا لما رحت مع اختلاف انهم عزموا عليا بالحبر و مرضتش اكسفهم
الظاهر شكلى يدى على مزورة فمطنشوش معايا
المهم
انا سمعت بردو عن ناس كتير عاوزين يسيبوا البلد و يريحوا دماغهم
بس انا رأيى اننا نفضل قاعدين على قلوبهم و نحاول و ان شاء الله نقدر نعمل حاجة , لا يأس مع الحياة على رأى اسمه ايه دا
يمكن انا متفائلة بس انا رأيى دى أصح حاجة نعملها
اهلا بك سيدي في مصر
وعاصمتها قلعة الإحباط :(
هو ايه اللي فاضل يتخاف عليه ! .. عشان نقعد في بيوتنا كافيين خيرنا شرنا
ماهو حاجة من تلاتة ... يا تسيبلهم البلد و تمشي و ياكش تولع .. يا تقعد فيها و رجليهم فوق رقبتك انسان منزع الكرامة و تفضل مصر زي ما هي ... يا يكون عندك دم و تدافع عن كرامتك و حريتك و ترتقي بمصر و اللي فيها وحتتقتل او تتنفى قبل ما تلحق تفكر يكون عندك دم اصلا.
حسبنا الله ونعم الوكيل
وبيقولو لازم الانسان يكون عنده انتماء لبلده ومتخافش التعديل الجديد بيقر بمبدأ المواطنة اللى هية مؤنث المواطن او مرات المواطن كما اجاب عنها احد الاخوان عندما سألته ما معنى المواطنة اللى واجعين دماغنا بيها بقالهم كام شهر؟!!!!!!
Post a Comment