لا تخافوهم ... فهم الخائفون

لا أعلم لماذا تخاف هذه الغالبيه من قله رجال - و الله أعلم فموضوع الرجال دا -!!

ما السبب الذي تخشاه .. و اللي يخليك تمشي جنب الحيط و تحط و شك فالارض و تمشي و ملكش دعوه .. و رافع الإريال عن كل اللي بيحصل ؟!
إلى كل من يخشى هذا النظام ... إعلم انك تخشى جبناء .. أي و الله جبناء.

نظام ارتعد خوفا أمام 3 بنات .. نظام ابتلت بنطلوناته من حبه شباب .

عندما يحشد هذا النظام عشرات اللواءات و مئات الرتب و الضباط و آلاف جنود الامن عشان 3 بنات وقفو يتكلموا بصوت عالي ... عشان شويه شباب فاهم و واعي ... عارف و مش ساكت ... يبقى مين اللي يخاف من مين ؟

عندما يترك نظام الفسده هذا ..الإرهابيين و تجار المخدرات و البلطجية و الفاسدون و المرتشون و السارقين و المزوريين و الهاربين و الأعداء بالخارج و الداخل المتربصين لذلك الوطن .. و يحشد كل ما اوتي من قوه .. من قوات الامن و يضع خطط و خطط بديله للتصدي لبضع عشرات من شباب الوطن و بضع بنات من اشرف و ابسل من انجبت مصر ..تعرف مدى الخوف الذي يكنه هذا النظام لك ... فأنت بالنسب لهم سيدي المرعب .. فلا تجعلهم يهنئون بالراحه كما يجعلونك لا تعرف شكلها..

ليه تخاف و تسكت ؟؟! تخاف من لصوص و جبناء ..تيجي ازاي ... ..

لا تخاف من هذا النظام العفن المتقيح .. لأن خوفك يقويهم.

الموقف الآن مثل ( شخص و كلب بلدي معفن ) ... ..في ترقب, متسمرين في أماكنهم .. انت فاكر انه بيبصلك و بيستحلفلك .. بس هو شكله كدا. كلب ابن كلب.. و هو باصلك مستني يشوفك هتعمل ايه !
امامك خيارين..
ان تقف و تسترجل و تهشه (هشش كدا يعني) ...اعمل نفسك بتجيب طوبه مثلا :D .

هتلاقيه يأوأ و يطلع يجري و يبان خوفه .....
انما لو بينت انك خايف و لو حاولت تجري .. تلاقيه يعمل فيها دكر و يعد يهوهو و مش بعيد يجري وراك و يقرمك من ... احم
مانت اللي اديته الفرصه..

يا ريت الكلب دا يعرف مقامه .... و لو مش عارفه .. نعرفهوله.
بس انت متخافش