طبعا كالغالبيه العظمى شفت و سمعت اللي بيحصل من حالات هياج و تعدي و هتك الاعراض فـ الشوارع ... خصوصا وسط البلد .. الوضع زفت خالص و يخلي الواحد مستاء .
و اعتقد اننا مش ممكن نسيب الحرامي او قتال القتلة و اللي سايب الحرامي يسرق و القتال يقتل و نروح نحاسب فالمجتمع الاول.. و نتجاهل دور اداه الردع اللي هي الداخلية .
ازاااااي يكون المواطن مش في مأمن و هو ماشي فـ شوارع بلده !!! فين اجهزة الامن اين رجال الفاشل حبيب الزفت ؟!!
اعتقد انه آن الاوان لإقاله هذا الفاشل ... ماذا يفعل غير التجاوزات و قمع المتظاهرين و هتك عرض الصحفيات و المتظاهرات و تعذيب للنشطاء السياسين .. دا حتى لم يفلح في التصدي او منع عمليات الإرهابية من تفجيرات دهب و طابا و الازهر و غيرها ... دا غير التضليل و التزوير و تلفيق القضايا كما حدث في قضية مذبحة بني مزار و انتهاكات
ابسط حقوق الانسان في اقسام الشرطة و المعاملات الغير آدمية .
حبيب العدلي فاشل في حماية امن مصر الداخلي ... اقيلووووه
يا عادلي و يا كل مسؤل امني ... لو كان هذا أمر عادي و لم يتم التصدي اليه ..فبهذا يكون الامر عادي جدا بالنسبة لك ان تسير في احد الشوارع و تعبث اصابع احد الهائجين بجسد و ملابس المدام بتاعة سيادتك او بنتك او اختك ..
2 comments:
لا حول ولا قوة إلا بالله
يبدو أن كل حكوماتنا بحاجة إلى تغييرات جذرية في وزرائها على الخصوص
ولكن لنتحدث قليلا عن هؤلاء الهائجين، أليسوا من بقية الشعب؟أليس لهم أمهات وأخوات وزوجات وبنات يخافون عليهن...أجردهم القمع والذل الذي يلاقونه من الحكومة من مشاعرهم
ألم يكن الشعب المصري هو الأكثر خوفا على عرضه واسمه ووطنه؟
ماذا سيكون تعليق هائج ما إذا وجد أن الضحية أخته
حاجة تقرف
الغريب ان الناس لما راحت القسم بعد اللى حصل يقدموا بلاغ قالوا لهم كل سنة و انتوا طيبين , احنا فى عيد و مشوهم
و العادلى المفروض انه يكون انتهى من زمان , يعنى احنا لو فى بلد محترمة كانت اى غلطة من اللى عملهم كفيلة بعزله
موضوع بنى مزار دة مثلا اللى قرروا فيه شخصية الجانى و انه مختل عقليا و انه و انه و طلع فى الآخر مش هو اصلا الجانى
كمان اللى بيحصل دايما فى المظاهرات
و اللى حصل فى موضوع التحرشات دة
و غيرهم كتير , ابسط حاجة من دى كانت تبئا سبب فى عزله
و فى دول تانية الوزير لما كان بيحصل غلط متعلق بوزارته كان بيستقيل من نفسه
لكن الواضح ان الكلام دة فعلا بيحصل فى الدول المحترمة بس , احنا بئينا مملكة ملك الريس و اتباعه و اللى مش عاجبه يا اما يتسحل يا اما يسيب البلد
حسبنا الله و نعم الوكيل
Post a Comment