احمد اخويا واللي هو منسق 6 ابريل عمل حادثة امبارح على الدائري ..
صحيت على تليفون الساعه 3 الفجر بيقولي الموضوع طلعت على الدائري لقيته في الاسعاف فيه شوية اصابات كدا .. لما شفت منظر العربية حمدت ربنا على الاصابات اللي فيه. لما تشوف شكل العربية متصدقش انه لسه عايش اصلا
وبعد يوم طويل عريض من الفجر لقرب المغرب ما بين الدائري و القسم و النيابة تروح بيتك تلاقي عقليات مريضة بتتكلم على انه عامل تمثيلية لكسب تعاطف الناس!! :D
في ناس دايما بتحب تعمل ناصحة وفاهمة وانها جابت التايهه واللي محدش واخد باله منها.. بس الحقيقة ان الافكار اللي بيتوصلوا ليها دي بتكون نتيجة انهم بيفكروا بمؤخرتهم مش عقلهم .. علشان كدا تلاقيها غريبة شوية عن الطبيعي
انا كنت هناك بعد تلت ساعه من اللي حصل وشفت احمد قبل ما يتنقل المستشفى و في ناس رجالة كتييييير نزلوا لاحمد اول ما كلمهم وشافوا بعنيهم الوضع والتريلا راشقة في العربية و خرج ازاي .. والنجدة جت واتعمل محضر واتحول للنيابة و فيه تحقيق معاه ومع سواق التريلا التاني اللي خبط فيه وشاهد على اللي حصل
تيجي انت بقى بعد ما شفت يوم اسود وعربية متدغدغة تلاقي حد ابن وسخة قاعد مريحها ويقولك اصل دي تمثيلية!.. وواحد تاني يقولك طيب اقنعني طلع ازاي؟!
مستكترين على ربنا انه نجاه يا ولاد التييت!
No comments:
Post a Comment