أحمد إبراهيم.. الشهير برامبو
عضو في حركة شباب 6 ابريل -مجموعة عين شمس- وطالب بكلية الصيدلة جامعة عين شمس..
يوم الأحد الماضي 12/5 حوالي الساعه 6ص احمد كان مروح بعربيته بعد ما خلص مذاكره مع زمايله.. واثناء مروره من احد شوارع الف مسكن فوجئ ان عربية ميكروباص بيضا بتطارده.. وركابها بيهددوه ويشتموه عشان يقف. زود سرعته عشان يهرب منهم بس هما زادوها اكتر وقطعوا الطريق قدامه ونزل منها 3 اشخاص واحد منهم ضرب رصاصه في الهوا
طبعاً رامبو رجع بعربيته لورا فكان رد فعل الشخص التاني انه ضربة رصاصة في صدره !!
خرج احمد من عربيته واترمى في الارض جريوا عليه وهو بيقولهم خدوا العربية باللي فيها بس ودوني المستشفى. فوجئ انهم بيضربوه برجليهم وهو واقع في الارض وبيصرخ وبيقولهم انه مصاب.. كان ردهم "احنا ضباط مباحث يا ابن الـ *****" !!!!!!
بعد ما اتجمع عليهم عمال محطة البنزين اللي شايفين الحادث الضباط خافوا واخدوا احمد على مستشفى هليوبليس ودمه متصفي.. احمد قضى 3 ايام في العناية الفائقة في المستشفى وحالته سيئه جدا وكون الرصاصه مستقره جنب عموده الفقري فازالتها فيها خطر كبير على حياته لدرجة ان الاحتمال الاكبر قدام الدكتور انه يسيب الرصاصه في جسمه !!
مستنيين نتيجة تحقيق النيابة مع البيه النقيب "م.أ" قسم النزهة الجديدة الموقوف حالياً عن عمله
كمواطن.. ازاي مفروض اميز اللي بيطاردني اذا كان شرطة ولا بلطجية اذا كان لبس وتصرفات الشرطة هو لبس وتصرفات البلطجية ؟؟؟
كأُم.. ازاي اسمع ان ابني اتضرب بالنار واتداس تحت رجلين ضباط بدون اي وجه حق؟!!
كعضو ف 6 ابريل.. ازاي تلومني لما اقول داخلية عاهرة ؟؟؟
No comments:
Post a Comment