تحدثت في بوست سابق عن قناة النيل للأخبار ... و بعديها بفترة جرى لها ما جرى و تحولت للنيل "قناة مصر الاخبارية" .. لكن كل ما جرى لها تغيير فالشكل لا المضمون ... تغير استديوهات و تقنيات و ديكورات و جرافيكس ... و لكن ما فائده كل ما يتم صرفة من الملايين ..و الفكر ذاته لازال موجود ... لا شفافية و لا حيادية مع استمرار سياسة التعتيم ... لما قناة اخبار تخبي الاخبار تبقى ايه دي!
و في هذه الايام بمثابه موسم .. فالنظام يستخدمها كأداه لعرض و نشر و تلميع افكارة و رأيه الاوحد ... و الحمد لله انها لن تستطيع باي حال من الاحوال ان ترقى لقنوات اخباريه اخرى فتجذب مشاهد او تحقق نسب مشاهده عاليه ...
و لن يحدث ذلك ابدا طالما يد الدولة مسيطرة عليها و متخذه الطابع الحكومي و تحت الرقابة بطريقة مباشرة او غير مباشرة.
في هذه الايام و من خلال عرضها و مناقشاتها و تغطيتها لما يجري بخصوص التعديلات الدستورية .. تشعر و كأنها قناة الحزب الوطني ..و يقولك نهر الحقيقة .. و المطلوب مننا نشرب بئا
هو النيل ناقص لما تلفقوا قناه ملهاش لزمة باسمهمن الآخر التعديل يجب ان يكون في المضمون و ليس الشكل .. و مش تعديل بل تغيير كمان .. و كل ما حدث اهدار اموال بدون سبب
ثم فين عنصر الجذب اللي يشد اي مشاهد او يجذبني كي اترك آلاف القنوات و اذهب لاتابع هلاوس و تخاريف و نفاق و تدليس... ولا يمكن عشان خاطر عيون تامر بسيوني .. و على رأي بلال فضل دا مش مذيع .. دا امين شرطة
التطوير اللي بيحاولو جاهدين انهم يعملوه في اعلام الرياده -زي ما بيحبوا يطلقوا عليه- لا يناسب اعلام السودان الشقيق حتى -مع خالص التهاني لنادي الهلال السوداني الشقيق-..
دا لوجو القنوات غريب جدا و ملوش اي علاقة بالقناة .. لوجو القناتين الاولى و التانية تحس انه لوجو قناة رياضية متخصصه في السباقات . و ليست القناة الاولى المحلية للتليفزيون المصري
خسارة الملايين اللي بتوضع تحت تصرف عقول غبيه , متحجرة , موالسه .. و بتذهب هباء
1 comment:
هو انت عايز يامعلم ان الحكومة هيا الى تصرف على القنوات دى .. وبعد كدة يتكلمو عن حال البلد من نظرة محايدة .. الكلام دة مش عندنا ياعم عند الدول المتقدمة بتوع الطحينة مع الكباب دول
وبعدين طبعا مننساش التهنئة للأخوة السودانيين ونادى الهلال الشقيق بصعودة لدور ال 16 .. وان شاء الله الزمالك يعوضها فى السودان 2008
Post a Comment