زي دلوقتي كنت نايم ... زي قبل دلوقتي مكنتش قادر افتح عيني .. زي قبل قبل دلوقتي كنت سرحان ... زي قبل قبل قبل دلوقتي كانت فدماغي مئة فكرة و فكرة و عشرات الحاجات اللي عايز اعملها و الناس اللي اكلمها.
بس قاعد مفنجل دلوقتي و مفيش اي حاجة من دي ... فين راحت .. نسيت اقول ان زي دلوقتي امبارح او قبله.... بكون قاعد بذاكر لامتحان مادة ما.
كل سنة نفس الموقف كل ترم نفس الكلام قبل كل ماده نفس المشاهد .. انا مش عارف انا ايه الصراحة!.
و نبتدي من جديد في الشحن و رفع المعنويات و التحفز و الاستحلاف لكل ما هو قادم ... و شكلها هترسي زي السنين اللي قبلها بردو ...
يا ريت حد يبقى يفكرني من اول الترم الجاي
4 comments:
انا مش عارف انتا ليه نفضت للتعليقات بتاعتي ونفضت اكتر للمدونه الجديده بتاعتي انا بحاول انشر المدونه بتاعتي ياريت تهتم وتضفني وياريت تشاركني بموضوعاتي وشكرا
www.spoony31.blogspot.com
فيه حاجات بتروح ومبترجعش وفيه حاجات بنكون عايزينها تروح بس بترجع وتتكرر
السنة الجاية مش هتكون زي السنة دي
هتكون أحلى وأحسن ان شاء الله وربنا يوفقك
كونان
المشكلة فعلا ان الكلام دة بيحصل كل مرة
اقعد اقول لا الترم الجاى لازم احضر بئا و اذاكر من الأول كدا مش نافع
ييجى الترم ولا كأنى فكرت فى حاجة , لا حضور ولا مذاكرة غير قبل الامتحان علاطول
و حتى فى الزنقة اللى قبل الامتحانات دى بردو باكتشف حاجات كتير اعملها الا انى اذاكر
فمتقلقش يا مصطفى , لست وحدك
بس بردو الأمل موجود , الترم الجاى ان شاء الله هتكون احسن كتير و ربنا هيوفقك ان شاء الله
و ربنا يعدى اللى فاضل على خير
يدعوكم باب البوسطجى (بريد القراء) بمجله شبابيك الالكترونيه والتى ستصدر فى غضون ايام قليله الى التواصل والتفاعل معه عبر الكتابه اليه فاذا كنت تملك راى معين فى موضوع ما او تريد نشر مقاله او شعر او شكوى لاحد المسئولين فقم بارسالها عبر البريد الالكترونى
elbos_tgy@yahoo.com
Post a Comment